کنٹسوگی۔ طریقہ کار

پہلے ہم سارے ٹکڑے چنیں گے

ٹکروں کو صحیح مقام پر دھرنا بہتر رہے گا 

یہاں ہم زخموں میں سنہرا سیال بھرتے ہیں 

اور یہ وہ دل ہے جس پر ہم یہ مشق کریں گے 

مکرر۔ پیہم۔ نہیں کھیل نہیں ہے ریاضت ہے 

ڈرو مت۔ یہ جتنا زیادہ بکھرے گا 

اتنا ہی خوبصورت جڑے گا۔

 

برفباری

برفباری شروع نہیں ہوئی 

لیکن آسمان دیکھ کر لگ رہا ہے 

بے داغ سفیدی جلد ہی گزرے دنوں کی 

کوتاہیوں کو اپنی بے غرض سخاوت میں چھپا لے گی 

آپکا ووٹ۔ آپکی مرضی

دو ہزار چوبیس کو الیکشن کا عالمی سال قرار دیا جاسکتا ہے۔ دنیا کی آبادی کا انچاس فیصد حصہ ان انتخابات کا حصہ ہوگا۔ پاکستان، امیریکہ اور یورپی یونین کے علاوہ باسٹھ دوسرے ممالک جمہوریت کی کسی نہ کسی شکل کی اقامت میں مصروف ہونگے۔ اور اس دوران لوگ سیاسی دھاندلیوں،حادثاتی اموات، محلاتی سازشوں، بدیسی ہاتھوں اور انتخابی جمہوریت کی دیگر بدصورتیوں کو سہتے ایک طویل سال کے اختتام پر سوچ رہے ہوں گے کہ انہیں انسانی معاشرے کی تنظیم کا کوئی بہتر طریقہ اب تک کیوں میسر نہیں آیا۔ 

غالب۔ میں نہ اچھا ہوا برا نہ ہوا

درد منت کشِ دوا نہ ہوا

میں نہ اچھا ہوا بُرا نہ ہوا

جمع کرتے ہو کیوں رقیبوں کو

اک تماشا ہوا گِلانہ ہوا

ہم کہاں قسمت آزمانے جائیں 

تو ہی جب خنجر آزما نہ ہوا

چلو الوداع کہتے ہیں دسمبرکو

چلو الوداع کہتے ہیں دسمبر کو

تمنا سے تہی اونگھتے دنوں کو

آؤ اپنے اپنے بچھڑے ہوؤں کی یادوں کو

 جلتی کشتیوں پر رکھ کر سمندر میں بہاتے ہیں

آؤ خواہشوں کی تربت پر اگتی نئی کونپلوں کو 

آنسوؤں سے آبیار کرتے ہیں

خوابوں کی خاک سے چہرہ پونچھو۔  پھر سجدہ شوق میں

 سر رکھتے ہیں کچھ دیر تک۔ مانگتے ہیں آرزو کی زندگی کی دعا

خاموش دریچوں اور دروں پر بے اعتنائی کی کاہی جم چلی ہے

پرانے راستے پر مکڑیوں کے دھاگوں کی 

نازک کڑھائیاں پھیلی ہوئی ہیں

اور میں لفظوں کے ریشم میں الجھ چکی ہوں

 

قطب نما

دسمبر کی آخری راتیں شائد سفر نصیب ہیں 

اور ہم نے بے پتوار کشتی منتخب کی ہے 

بڑا بدمعاش

دوہزارچودہ میں امیریکہ میں سی ڈی سی اور ایجوکیشن ڈیپارٹمنٹ نے پہلی مرتبہ بلی انگ کو سرکاری طور پر ایسے ڈیفائن کیا تھا:

bullying

 ایک ایسا جارحانہ رویہ۔ جس میں طاقت کا عدم توازن واضح طور پر پایا جائے۔ اسے مخالف کو نقصان پہنچانے کی نیت سے مسلسل دوہرایا جائے۔ یہ جسمانی، نفسیاتی، سماجی، اور تعلیمی نقصان پر مشتمل ہو سکتا ہے ۔ سی ڈی سی سرکاری اعداد و شمار کے مطابق بارہ سے اٹھارہ سال کے درمیان بیس فیصد طالب علم اس کا شکار ہیں۔

فانجنگ شان

وولنگ پہاڑی سلسلے کی بلند ترین چوٹی فانجنگ شان جو نیو گولڈن سمٹ بھی کہلاتی ہےسطح سمندر سے تئیس ہزار میٹر کی بلندی پر واقع ہے۔ اچھے موسم آنے والے اکثر سیاح اتفاق کرتے ہیں کہ دنیا میں اس سے بہتر نظارہ نہیں ہے۔ چوٹی تک پہنچنے کا راستہ تین چار حصوں پر مشتمل ہے جن میں ابتدائی حصہ بس کے ذریعے طے ہوتا ہے اور اس کے بعد کیبل کار یا پیدل ٹریلز ہیں۔ جو عرف عام میں مشہور مشروم چٹان تک لے جاتی ہیں۔ یہ قدرتی طور پر بنی غیر معمولی چٹانی اشکال ہیں جو صدیوں سے اسی ہئیت میں ایستادہ ہیں۔ 

پرانی کہانی

آج کچھ بھی نیا نہیں ہے

گو میں نے خود لکھی ہے یہ کہانی 

لیکن بیانیہ میرا نہیں ہے

سوچیں

سوچیں گدھ بن گئی ہیں

اس جہاں فانی سے گزر چکے لمحوں کی 

نہ دفنائی ہوئی لاشوں پر دائروں میں منڈلاتی رہتی ہیں 

day & night

 

five min art

 five min art for last year's school fundraiser 

cats

 

ہالیکالا نیشنل پارک

ہالیکالا نیشنل پارک ماوئی کی بلند ترین چوٹی ہے جو سطح سمندر سے قریبا دس ہزار فٹ بلند ہے۔ طلوع آفتاب یہاں کا سب سے خوبصورت نظارہ ہونے کی وجہ سے تم کہ  "سورج کا گھر" نامی یہ چوٹی اسم بامسمیٰ ہے۔ لیکن اکثر سیاح اس سفر کو محض سویرے کے دھانی بنفشی رنگوں کی خوبصورتی کی توقع سے وابستہ کرنے کی غلطی کرتے ہیں۔ کیونکہ خوبصورت دھوپ سے مرصع جزیرے کی وادی ہالیکالا کی ڈھلوانوں پر چڑھتے ہوئے  درجہ حرارت بتدریج یوں گرتا ہے کہ بالائی سطح تمہارا واسطہ عموما یخ بستہ ہواؤں اور بادلوں کے بگولے  سے پڑتا ہے۔ ویسے بھی نظارے کی بکنگ کے وقت موسم کی صحیح پیشین گوئی ممکن نہیں ہے۔ 

جیوزائیگو ویلی

چینی وادی جیوزائیگو اپنی ناقابل یقین خوبصورتی کی وجہ سے اس دنیا سے ماوورا جگہ محسوس ہوتی ہے۔ ایک ہی وادی میں تمہیں جادوئی جنگلات دلکش ٓابشاریں اور شفاف جھیلیں دکھائی دیں گی۔ آس پاس کے رنگوں اور ساتھ ہی پانی میں مخصوص قسم کے بیکٹیریا کی وجہ سے یہ جھیلیں رنگوں کا ایک مرقع دکھائی دیتی ہیں۔ کئی جگہ پر تہ در تہ بہتی آبشاریں موسم کی خوبصورتی میں اور بھی اضافہ کردیتی ہیں۔ مارکیٹنگ کی تصاویر کی وجہ سے یہ ویلی سیاحوں میں کچھ اور بھی مقبول ہو چکی ہے۔  مختلف ٹریلز تین جانب جاتی ہیں جو اپنی قدرتی خوبصورتی کے ساتھ ساتھ اطراف کے قصبات کو بھی قریب سے دیکھنے میں مددگار ہیں جن میں انسانی تاریخ و تمدن اپنی مختلف شکلوں میں ہماری توجہ جذب کرنے کا باعث بنتا ہے۔ پھر یہاں بہت سے نایاب جانور۔ مختلف قسم کے بندر اور دیوہیکل پانڈا کی کچھ اقسام بھی دیکھنے کو ملتے ہیں۔ 

مشترکہ دشمن

مشہور مقولہ ہے کسی بھی گروہ کو منظم کرنے کے لیے مشترکہ دشمن سب سے زیادہ کارآمد ہے۔ ہمارے ہاں اسےعموما بیرونی ہاتھ کا نام دیا جاتا ہے۔ اصل میں نیشن سٹیٹس کے ساتھ مسئلہ یہی ہے اپنے اپنے کنوؤں کی عالیشانگی کے لیے ایک عدد بیرونی ہاتھ پیدا کرنا ہی پڑتا ہے۔ کیونکہ بیرونی ہاتھ کی غیر موجودگی میں ریاست کااتحاد پارہ پارہ ہونے لگتا ہے۔ لوگوں میں عمل کی ڈرائیو کم ہو جاتی ہے، ان کے حوصلے کمزور پڑنے لگتے ہیں اور ترجیحات بدلنے لگتی ہیں۔ وہ بیرونی ہاتھوں کے آلہ کار بن جاتے ہیں۔ ایک وشیس سرکل ہے ۔،

انتخاب۔ ترجمہ

تم انتخاب کرتے ہو۔. 

انتخاب؟ 

دنیا میں گرنے کا۔ 

تم یہ جست لگاتےہو۔ 

گم شدہ

میں گم شدہ ہوں اپنے شہر میں جو کہ سوچیں ہیں

تم روز مجھے گلی کوچوں سے ڈھونڈ لاتے ہو 

نہلا دھلا کر صاف کپڑے پہنا کر ساتھ بٹھا کر کھانا کھلا کر 

مجھے بتانے کی سرتوڑ کوشش کر تے ہو 

سفر

دن مختصر ہیں 

راتیں مختصر تر 

سفر ایک ہی لمبا ہے 

دید سے دید تک

going crazy

but how
but how
but how
what

احساس

معلوم نہیں میرے احساسات شدت پسند کیوں نہیں ہیں

ورنہ کب کے درد کے بے تکے ہنگام سے تنگ آکر خود کو مار دیتے 

سبھی ساکت رہیں گے

یوں جیسے کسی تہ خانے میں بہت سے بے گھر

سانجھے تکیوں پر سر ٹکائے گہری نیند سو رہے ہوں

کیلنڈر

محبت میں یوں تو بس دو ہی موسم ہوتے ہیں

ایک طویل ہجر اور انتظار کا موسم 

ایک مختصر سا وصال کا موسم 

تیسرا کوئی موسم محبت کے کیلنڈر میں نہیں ہوتا 

ٹریننگ

تمہاری آنکھین چمکنا شروع ہوگئی ہیں 

اور تمہارے لب مسکرانا سیکھ گئے ہیں 

چلو تمہں بہت دور کسی گم شدہ جزیرے پرچھوڑ آئیں 

دیکھنا ہے کہ تم گھر واپسی کا راستہ 

تلاش کرنا سیکھی ہو یا نہیں 

یہ آخری مگر بہت اہم سبق ہے۔

مونٹیورڈے کلاؤڈ فاریسٹ

بادلوں کا جنگل یا ابر ٓلود جنگلات کل دنیا کے جنگلات کا تقریباً ایک فیصد کا احاطہ کرتے ہیں۔ بہت سے ملکوں میں یہ نایاب جنگلات ٹروپیکل یا اس کی ذیلی فضا میں پائے جاتے ہیں جس کی وجہ دھند کا بادلوں کی شکل میں جنگل کے اوپری حصہ میں منڈلاناہے۔ گھنے سبزے کی وجہ جب سورج کی حدت صرف بالائی حد تک ہی رہتی ہے جو بخارات کو بھی سست رفتار بناتی ہے۔ ٹروپیکل جنگلات میں یہی دیرپا نمی اور خوشگوار درجہ حرارت دوسرے فطری عوامل کے ساتھ ملکر ان مقامات کے منفرد اور خوبصورت حیاتیاتی تنوع کا بھی باعث ہے۔ گہری اتری دھند، گھنے جھنڈ، اور نایاب پرندوں کی پراسرار آواز۔ 

شائد

کہرے میں تاروں سے لمبی باتیں 

دھندلے سویرے سے یہ ملاقاتیں 

بن بات مسگراتے رہنا 

یونہی بے سرا گنگناتے رہنا 

سب کو لگتا ہے مجھ کو شائد 

دسمبر کی تنہا رت خوش آگئی ہے

مفلسی

ایک دیہاڑی دار مزدور کی طرح

دس بیس اینٹیں ٹوکرے میں بھر بھر 

ان مختصر مکانوں کی تعمیر میں

تمام دن بسر کرکے گھر واپسی کے راستے پر

تمہارے اظہار کے آئینہ خانوں میں 

توانگر محبت کو بے فکر لفظوں ۔

صد رنگ خیالوں سے کھیلتا دیکھ کر

مجھے اپنی بنائی کوٹھریوں میں رہنے والے

مکینوں کی مفلس بے چارگی پر ترس آجاتا ہے۔

 

دریچوں میں جگنو

 

آج کا چاند

مدارت

نئی تحریریں ایک طرز مدارت ہیں اس نگر میں
لکھنے والے اپنے مہمان کو
اس سے بڑھ کر اور  کیا  پیش کرتے؟۔

سوچیں

پہلے پرانے درازوں میں ادھوری بے چاری سی پڑی تھیں
اب صوفوں پر نئے کپڑے پہنے بیٹھیں ہیں۔
خود کو قیمتی سمجھنے لگی ہیں
غلط صحبت کا اثر ہے
صبح کی روشنی سے سیکھا ہے یہ نیا کرتب
ہر موجود خالی جگہ کو پر کردینا

خوبصورتی

"اور کہانی کی اچھی بات یہ ہے کہ اسے کسی بھی نقطے سے شروع کیا جا سکتا ہے، اسے کسی بھی موضوع پر لکھا جا سکتا ہے۔ نہ تو پلاٹ کا حیرت انگیز ہونا ضروری ہے نہ ہی کہانی کا مربوط۔ کرداروں کا حقیقی اور جاندار ہونا اضافی ہے، گفتگو کا بامعنی و مدلل ھونا بےکار ہے۔۔ کسی فرضی سائنسی تھیوری، بوڑھے سیاستدان، خوبصورت لڑکی کو بنیاد بنا کر لمبی کہانی لکھی جاسکتی ہے۔"

یاکوشیما نیشنل پارک

جاپان کا یاکوشیما نیشنل پارک دو حصوں پر مشتمل ہے۔ ایک حصے میں ایکٹو آتش فشاں ہیں۔ اور دوسرا قدیم درختوں اور پہاڑی سلسلوں پر مشتمل ہے۔ یہ دوسرا حصہ  جس کو یاکوشیما ہی کہتے ہیں پریوں کی کہانیوں کی طرح خوبصورت اور سرسبز ہے۔مسلسل بارشوں کی وجہ سے بیشتر حصے میں چھوٹے ندی نالے بکثرت ہیں۔ گرینائٹ کی چٹانوں کے گرد پتھروں پر کائی گہرے سبزے کی طرح جمی ہے۔

ہزاروں کا مجمع

  Thousands Gather

اپنے اپنے نامزد مسیحاؤں کو لکھ کر پوچھو 

“ کیا تم خدا کے ساتھ مل کر ہماری خاطر ہماری جنگ لڑو گے ؟” 

مگر ہمارے مسیحا جانتے ہیں طاقت صرف خدا کے ہاتھ میں ہے 

متروك

مجھے یقین ہے میرے گھڑیال کے گھنٹے بے ترتیب ہوچکے ہیں 

اور بہت دنوں سے میں غلط کتابوں کا مطالعہ کر رہی ہوں 

جن میں انجانے جذبوں کے بارے میں غیر حقیقی باتیں لکھی ہوئی ہیں 

گلوبل۔وار۔منگ

شروع میں تو زمینی آفات و ماحولیاتی اتار چڑھاؤ کی ذمہ داری سائنسدان زیادہ تر تلون مزاج شہاب ثاقب یا سورج کے کسی بڑے آتش فشاں پھٹنے وغیرہ پر ڈالتے رہے ۔۔لیکن وقت گزرنے کے ساتھ بدلتے موسموں میں سبھی کو انسانی ہاتھ نظر آنا شروع ہوگیا ہے۔ جیسا کہ سی ایم سی سی فاؤنڈیشن کا کہنا ہے ایک چنگاری جنگل کو جلانے کے لیے کافی نہیں ہوتی۔ جنگل میں اتنی بڑی آگ بھڑکنے کے لیے درجہ حرارت کی زیادتی۔ بارشوں کی کمی، خشکی سالی۔ درختوں پودوں گھاس وغیرہ کا سوکھا پن بہت سے عوامل مل کر کام کرتے ہیں۔ اکثر و بیشتر جنگلی حیات جلنے سے پہلے ہی مردہ ہو کر اتنی خشک ہوچکی ہوتی ہے کہ کسی بھی شدید گرم دن آگ پکڑنا عین ممکن ہوجاتا ہے۔ پہلے سمجھا جاتا کہ لوگوں کی لاپرواہی اس کی ذمہ دار ہے لیکن نئے ڈیٹا ٹرینڈ میں یہ واضح ہے کہ گو ان حادثات کی ابتدا کی شرح کم ہے مگر پھیلاؤ زیادہ اور قابو پانا اتنا ہی ناممکن۔ 

Dr. Martin Luther King, Jr.: A Quotation

[Dr. King On the Parable of the Good Samaritan]

"One day a man came to Jesus; and he wanted to raise some questions about some vital matters in life. At points, he wanted to trick Jesus, and show him that he knew a little more than Jesus knew, and through this, throw him off base. Now that question could have easily ended up in a philosophical and theological debate. But Jesus immediately pulled that question from mid-air, and placed it on a dangerous curve between Jerusalem and Jericho.

شہر نامہ

مرے بسملوں کی قناعتیں

جو بڑھائیں ظلم کے حوصلے

مرے آہوؤں کا چکیدہ خوں

جو شکاریوں کو سراغ دے

مری عدل گاہوں کی مصلحت

"پہلی بات ہی آخری تھی"

میں نے آج کچھ بھی نہیں لکھا۔

کل سے آسمان پر کوئی چاند ستارہ نہیں جگمگایا 

آج تو سورج بھی نہیں نکلا۔ 

پورا آسمان گدلے سفید رنگ میں رنگا ہوا ہے ۔

یہ نظمیں آئینہ نہیں ہیں

یہ نظمیں آئینہ نہیں ہیں 

کہ ان میں ہمارے جذبوں کے رخساروں پر بکھرے 

رنگوں کے عکس نکھریں

نہ ٹہرا ہوا پانی کہ گہرائی میں جھانکیں تو ہمارے ہی چہرے

اک تابندہ جھلملاہٹ کی لو میں لرز رہے ہوں 

مگر شائد آسمان سے ٹوٹ کر گرتے ستارے 

مکمل نظم کے لیے کتاب دیکھیں 

دریچوں میں جگنو

رافعہ خان

دریچوں میں جگنو

گو جگنو اندھیرے میں ہی دلکش لگتے ہیں لیکن بذاتِ خود اندھیرا ایک ڈراؤنا خواب ہے۔ روشنی کی عدم موجودگی، جذبہ و خیال کی قحط سالی وغیرہ اسی سیاہی کے وجود کے اشارے ہیں۔ اندھیروں میں ہم بہت جلد خود کو شکست خوردہ قرار دے کر ہتھیار ڈال دیتے ہیں۔ اندھیروں میں سب سے پہلے ہم اپنے خیالوں اور خوابوں اور جذبوں کی حوصلہ شکنی کرتے ہیں۔ اور جب وہ یکے بعد دیگرے ہمارا ساتھ چھوڑ رہے ہوتے ہیں اس وقت تاریکی ہمارے وجود میں اپنے حلیفوں کو بلا تاّمل مدعو کررہی ہوتی ہے۔ تنہائی، مایوسی، بے یقینی، تشکیک۔ اور یہ صرف آغاز ہے۔ 

Of Love and Other Demons

Of Love and Other Demons

Marquez Quote

کہو کیا کہنا ہے

 ترجمہ:  آ سٹوری ود آوٹ آ بیگننگ ، مڈل اور اینڈ ۔

دسمبر ۲۰۱۹ 

۔۔۔

کہو کیا کہنا ہے

نئی منزل کا قصد ہے؟؟چلو پھر

آج صرف تمہیں سنوں گی۔ آج تمہارا دن ہے۔۔

ہاں میں یہیں ہوں۔۔ سن رہی ہوں۔  

خوشی کے تعاقب کا وبائی مرض ۵

شمٹ سکیل پر ایک انچ بڑی بلٹ اینٹ کے کاٹے کو لیول فور کی درد تسلیم کرتا ہے یعنی “خالص، شدید شاندار درد “ جو جلتے کوئلوں پر پاؤں میں تین انچ کھبے کیل کے ساتھ چلنے کے مترادف ہے جو چوبیس گھنٹے رہتا ہے۔ شمٹ اس درد کو فہرست میں درد زہ سے اوپر رکھتا ہے اور اس میں جھگڑنے کی کوئی بات نہیں کیونکہ کسی عورت نے آج تک شائد اپنے خالص شاندار اور شدید درد کی تفصیلات ٹھیک سے ریکارڈ نہیں کرائیں جو شروع تو بچے کی پیدائش کے دوران ہوتا ہے

چلی کے صحرائے اٹاکاما میں پھول

زمین کے سب سے زیادہ بنجر اور خشک گوشے میں یکایک پھول ہی پھول کھل جائیں تو یہ ایک قابل دید مقام بن جاتا ہے۔ چلی کے صحرائے اٹاکاما میں یہ واقعہ کبھی پانچ سات سالوں میں اکا دکا بار ہو جایا کرتا تھا لیکن بڑھتی ہوئی بارشوں کے نئے معمولات کی وجہ سے اب دنیا کا خشک ترین صحرا ہر سال ہی گلابی، ارغوانی اور پیلے نارنجی رنگوں کے قدرتی پھولوں کی تزئین سے بھرے تختوں میں تبدیل ہو جاتا ہے۔ آسٹرل بہار کا یہ عجیب رجحان پھولوں والا صحرا ( ڈیزیرٹو فلوریڈو) کہلاتا ہے۔ 

اللیلیساٹ آئسفرڈ ۔ گرین لینڈ

گرین لینڈ کی ویسٹ کوسٹ پر آرکٹک سرکل سے قریبا تین سو کلومیٹر شمال میں اللیلیساٹ آئسفرڈ واقع ہے جس کا لفظی ترجمہ آئس برگ ہی بنتا ہے۔ یہ ان چند گلیشیرز میں سے ہے جس کے ذریعہ گرین لینڈ کی برف پگھل کر سمندر تک پہنچتی ہے۔ ہر دم پگھلتی آئس شیٹ اور تیزی سے بہتی برفانی ندی کا اونچی چٹانوں کے بیچ سے پگھلے برفانی تودے لیے سمندر میں اترنے کا ایسا منظر یہاں گرین لینڈ کے لیے ہی مخصوص ہے جس کی وجہ سے یونیسکو نے اسے عالمی ثقافتی ورثے میں شامل کر دیا ہے تاکہ یہاں کی قدرتی خوبصورتی کو محفوظ کیا جائے اور ٹوٹتے پگھلتے گلیشیئر کو قریب سے دیکھنے کی رسائی بھی فراہم ہو سکے۔ 

ایک سکوئر انچ خاموشی

اولمپک نیشنل پارک میں کچھ بہت ہی خوبصورت ٹریلز ہیں۔اگر تم لیک کریسنٹ کی ہائیک چنو گے تو اس میں لگا بندھا کچھ نہیں گویا ہم اپنے اڈوینچر کا انتخاب کرنے کے لیے آزاد ہیں۔ساحل تک کی لمبی واک یا طلوع آفتاب کا نظارہ دیکھنے کو اکثر سیاح یہاں تادیر رکنے کا انتخاب ضرور کرتے ہیں۔ آج یہاں سے کیپ الاوا، سٹورم کنگ پہاڑ کی ٹریل کی جانب سفر کر رہا ہوں۔ لیکن کل میں ہوہ دریا کی ٹریل پر تھا  جو پارک کے پیسفک شمال میں واقع ہے۔ 

ژانگ جیاجی فارسٹ

تمہیں میں ژانگ جیاجی فارسٹ کے بارے میں بتاؤں ؟ مگر میں جو بھی بتاؤں گا حقیقت اس سے بہت الگ اور بلند و بالا ہے۔ ستونوں کی سی سیدھی کھڑی چٹانیں اپنی ہریالی میں لپٹی ایک وسیع احاطے پر پھیلی ہوئی ہیں۔ کئی لوگ ہیں جو اسے دو چار دن کی چھٹی میں پورا دیکھنا چاہتے ہیں۔ وہ قطاروں میں لگے ۔ اپنے اپنے نقشے اور بروشر تھامے سامنے پھیلی فطرت کو کاغذ پر چھپی مختصر تصویروں اور ناموں سے ملانے کی میچنگ گیم میں مصروف نظر آتے ہیں۔لیکن تم قدرت کے اتنی تندہی و تفصیل سے صدیوں میں بنائے شاہکار کو چند گھنٹوں میں کیسے سراہ سکتے ہو؟ اس پرہیبت حسن کا تقاضا تو یہ ہے کہ تم وقت نکال کر آؤ۔ یا وہیں بس جاؤ۔ 

ناردن لائٹس

اس ہفتہ میں ساؤتھ ڈکوٹا میں بلیک ہلز کی ٹریلز پر سفر کر رہا تھا۔۔ بلیک ہلز نیشنل فارسٹ بہت سی وادیوں میدانی قطعوں، باغوں، ندیوں اور جھیلوں پر مشتمل ہے ۔ اسکا نام لکوٹا زبان میں پاہا ساپا سے اخذ کیا گیا ہے۔  یعنی پہاڑ جو سیاہ ہیں۔ بیشتر پائن کے درختوں سے ڈھکی یہ پہاڑیاں، اردگرد کی ہریالی سے جب کئی ہزار فٹ اوپر اٹھتی ہیں تو دور سے سیاہ ہی نظر آتی ہیں۔  کچھ لوگوں کا خیال ہے کہ اس حسن کا اصل جادو اس کی پتھریلی تشکیل اور ناقابل یقین جنگلی حیات اور سحر انگیز جنگلی درختوں میں مضمر ہے۔ مگر روح میں اترنے والے اثر کو سمجھنے کے لیے تمہیں یہاں خود آنا پڑے گا۔ اور ممکن ہو تو یہ سفر خزاں میں کرو۔

خوشی کے تعاقب کا وبائی مرض ۴

پھر یہ ہوا کہ عوام الناس کے لیے سو ڈیڑھ سو سال سے خوشی دولت کے حصول اور ریل پیل کے ساتھ ہی منسلک ہوکر رہ گئی۔ دولت زندگی کی آسائشوں کے حصول میں مددگار ہے ۔ آسائشیں تن آسانی اور لطف اندوزی کے لیے وقت مہیا کرتی ہیں۔ دولت معاشرے میں طاقت، اثر رسوخ، قبولیت، مقبولیت وغیرہ کی سہل فراہمی ممکن بناتی ہے۔ اور انسان پچھلی چند صدیوں میں باہمی استحصال، قتل و غارت اور سفاکیت میں تاریخ کے ایک بدترین دور سے گزرے ہیں۔ ان کا اپنی انسانی عظمت، روحانی و معاشرتی اقدار پر سے اعتبار شائد اٹھنا ہی تھا۔ تاہم اپنی جنیاتی بنت کی وجہ سے کسی نیوکلیس، کسی مرکزی خیال کے گرد پھیرے ڈالتے رہنا انسان کی مجبوری ہے۔ مادیت سے وابستہ خوشی بہت روز تک ایک نیا مرکز رہا۔ غم عشق گر نہ ہوا غم روزگار ہوا۔ 

خوشی کے تعاقب کا وبائی مرض ۳

ویسے تو خوشیوں کے تعاقب کا فلسفہ نوعِ انسانی کے لیے نیانہیں ہے۔ ھیڈونزم کا اخلاقی مفروضہ کہتا ہے کہ انسانی زندگی کا اصل مقصد کامل خوشی کا حصول ہے، خواہشات کی بے تکان تکمیل، لذت پرستی۔ نراوان کی خواہش ۔ زندگی کا مزہ صرف میٹھے میں دیکھنا۔ ہر قسم کی منشیات ۔ اسی مفروضے کی اشکال ہیں۔ اور انسان مختلف ادوار میں مختلف طریقوں سے مصروف بھی رہا ہے۔۔

خوشی کے تعاقب کا وبائی مرض ۲

ایک فرضی مکالمہ۔

۔

مگر یہ کیا لکھا ہے؟ 

لائف لبرٹی اور پرسیوٹ آف ہیپی نیس 

زندگی اور آزادی۔۔ ایک ہی بات تھی بہرحال چلو ۔لیکن ہیپی نیس؟ 

یہ وہ چیزیں ہیں جن کو اگلی نسلیں اپنی زندگی میں دیکھنا چاہتی ہیں وہ جبری قوتوں کے پنجے سے نجات چاہتے ہیں۔ ہر جگہ لوگ اپنے حق کے لیے اٹھ رہے ہیں۔ 

خوشی کے تعاقب کا وبائی مرض

کبھی کبھی ہم اتنے خوش ہوجاتے ہیں کہ ہم محسوس کرنے لگتے ہیں کیا اتنی خوشی ممکن بھی ہے؟  کیا اتنی خوشی جائز ہے؟ کیا اس سے زیادہ خوش ہونا ممکن ہے؟ کیا خوشی کی کوئی حد بھی ہے ؟ کیا یہ کچھ روز ہمارے ساتھ ٹہرے گی؟ کیا ہم اس کے حقدار ہیں بھی ہیں یا ہمارا کوئی تکہ لگ گیا ہے۔ یہ تمام باتیں اپنی جگہ صحیح۔ لیکن خوشی ایک جذباتی کیفیت ہی تو ہے اور بجا کہ اس کا کوئی پیمانہ نہیں ، اس کی حد بندی کرنا ممکن نہیں ہے۔ لیکن اپنی ہالف لائف سے آگے جانا اس کے لیے کیسے ممکن ہوسکتا ہے؟ 

امیریکہ : اعلان آزادی

امیریکہ : اعلان آزادی ٹرانسکرپٹ سے اقتباس 

کانگریس، 4 جولائی 1776

تیرہ ریاست ہائے متحدہ امیریکہ کا متفقہ اعلامیہ، جب انسانی واقعات کے دوران، ایک گروہ کے لیے ضروری ہو جاتا ہے کہ وہ ان سیاسی تعلقات کو تحلیل کر دیں جنہوں نے انہیں دوسرے سے جوڑ رکھا تھا ہے، اور زمین کی طاقتوں کے درمیان اپنا ایک الگ اور مساوی مقام اختیار کریں جس کا قانون فطرت اور فطرت کے مالک نے انہیں حق دیا ہے، بنی نوع انسان کی آراء کے احترام کا تقاضا ہے کہ وہ ان اسباب کا اعلان کریں جو یہ علیحدگی اختیار کرنے کا باعث

شناخت؟ رفتہ رفتہ مٹی ہے

شناخت؟ رفتہ رفتہ مٹی ہے 

میں اپنی پوری ایمانداری سے مانتی ہوں 

وہ نہیں جانتے تھے۔ سب بتدریج شروع ہوا تھا 

حلفیہ سب ہی سچ بولتے ہیں تو جھوٹ نے آہستگی سے 

ابتدائی درجوں کی کتاب کی باہر کی دنیا میں سر اٹھایا تھا

تنقید کا تحفہ

کچھ سوشل میڈیا ایپ اپنے فوٹو فلٹر کے ساتھ آتی ہیں، لیکن زیادہ تر لوگ فون فوٹو ایپ ہی سے تصاویر کو فلٹر اور ایڈٹ کر لیتے ہیں۔ اگر بہت ہی زیادہ شوق ہو تو یورکیم یا فن کیم وغیرہ۔ اصل مقصد یہ ہوتا کہ تصویر سے غیر ضروری حصے نکال کر اس کو بہترین طریقے سے پیش کیا جائے تاکہ زیادہ پسندیدہ ہو۔ میں سوچتی ہوں گفتگو کا بھی ایک فلٹر ہونا چاہیے جو باتوں سے غیر ضروری فقرے حذف کردے اور صرف پسندیدہ حصے باقی رہ جائیں۔ 

غیروں کی، اپنوں کی باتیں

(لوگ کیا کہیں گے ۳)

لوگوں کی رائے کی کئی اقسام ہو سکتی ہیں۔ جیسے عوام کی رائے، قانون کی رائے، ماہرین کی رائے ۔غیروں کی رائے۔ اپنوں کی رائے ۔ ذہنی طور پر ہم قانون اور ماہرین وغیرہ کی رائے کو ماننے میں زیادہ پس و پیش نہیں کرتے کیونکہ سب ہی مان رہے ہوتے ہیں اور نہ ماننے کے نتائج و عواقب بھی پیش نظر ہوتے ہیں۔لیکن ہمارے اپنے (جیسے گھر خاندان والے دوست احباب) اور غیر (جیسے اگلے محلے والے دفتر و کاروبار والے، دوسرے جاننے والے، کزن کا سسرال) جب کوئی رائے دیتے ہیں تو اس کی اہمیت ہمارے دماغ میں مختلف طریقے سے رجسٹر ہوتی ہے۔ 

لوگ کیا کہیں گے ۲

کچھ لوگ اپنے تصورات  یا اپنے ڈراؤنے خوابوں میں اب بھی لوگوں کو دروازوں کی آڑ میں کھڑے ہو تاکنے۔ آنکھوں آنکھوں میں اشاروں سے یا سرگوشیوں میں اپنے بارے میں باتیں کرتے ہوئے دیکھتے ہیں۔ بظاہر ان کے تصورات کا سوفٹویئر اپڈیٹ ہوئے کافی روز ہو چکے ہیں۔ اتنے مصروف دور میں کس کے پاس یہ سب کرنے کا وقت ہوتا ہے؟ 

لوگ کیا کہیں گے ۔۱

لوگ کیا کہیں گے جاننے کا مجھے ہمیشہ سے شوق رہا ہے۔ اسی لیے جب بھی میں سنتی ہوں لوگ کیا کہیں گے تو میں پوری کوشش کرتی ہوں کہ اس کی کچھ تفصیلات حاصل کرسکوں لیکن مجھے بال کی کھال اتارنے کا الزام دے کر اکثر لوگ چپ کرادیتے ہیں۔ ورنہ ایک سخت سی نظر مجھ پر ڈال کر کہتے ہیں کیسا احمقانہ سوال ہے۔ آپ کو خود نہیں معلوم کیا؟ مجھے معلوم تو نہیں لیکن میں لوگوں کی طرف سے کچھ نہ کچھ اچھا برا سوچ کر خود کو مطمئن کرنے کی کوشش کرتی رہتی ہوں۔ اور یہی لوگوں کی باتوں کے خوف کا پہلا مسئلہ ہے۔

ہتھیلی پر سرسوں

ہم سب کی ایک عدد رشتہ دار یا آنٹی ایسی ہوتی ہیں گی جن کے پاس ہر مشکل کا ایک آزمودہ وظیفہ ہوتا ہے۔ دلیل کے طور پر ایک متاثر کن کہانی بھی۔ وہ مصر ہیں کہ میں ادھر ادھر کی باتیں نہیں کرتی ۔اور ویسے بھی یہ قرانی دعائیں ہیں۔ اللہ کے نبیوں نے مانگی ہوئی ہیں۔ رب انی ۔ بس ایک دفعہ شروع کرو ۔ تہجد یا فجر سے پہلے ،عصر یامغرب کے بعد وغیرہ ۔ ابھی چالیس دن نہیں گزریں گے کہ کام جو بھی ہو۔۔ بس نیت نیک ہونی چاہیے۔ اور ہم سب ہی عقیدت میں قریبا ان کے ہاتھوں کو چومنے والے ہو جاتے ہیں۔ اور اکیس روز میں نئے آپ، نئی زندگی ۔ کے فارمولے بیچنے والوں کے لیے بھی ہمارے کچھ ایسے ہی جذبات ہوتے ہیں۔

یوتھ مینٹل ہیلتھ

 

مختلف ادارے آسٹریلیا اور یورپ کے بعد امیریکہ میں بھی مینٹل ہیلتھ فرسٹ ایڈ کو ایک اہم ریسورس قرار دیتے ہیں۔ خصوصا جن اداروں کا تعلق براہ راست کمیونٹی ڈیویلپمنٹ یا ٹین ایجرز یا نوجوانوں سے بنتا ہے کسی نہ کسی طور ضرور اپنے کارندوں کو یہ تربیت دینے کی حوصلہ افزائی کرتے ہیں۔کئی لوگ اسے فرسٹ ایڈ کا ایک حصہ قرار دینا چاہتے ہیں۔ کیونکہ اب نوعمر اور کمسن بچوں میں نفسیاتی مسائل کے رجحانات بہت تیزی سے بڑھتے جارہے ہیں۔ نیشنل ہیلتھ کے ڈیٹا کے تحت ہر پانچ میں ایک نوعمر یا نوجوان کسی نہ کسی دماغی صحت کے مسئلے کا شکار ہے۔ دماغی مسائل اور اوورڈوز ٹین ایجر اموات کی ایک بڑی وجہ ہے۔

بیٹھے رہیں

کمفرٹ زون کا اصل مفہوم تو راحت کدہ بنتا ہے لیکن وہ ایک ادارے کا نام ہے پھر آرام کدہ سوجھا وہ بھی ایک ادارے سے متعلق ہے۔ کل گوگل نے اس کو ذہنی آسائش کا دائرہ کہا تھا لیکن چونکہ آسائش بھی فارسی کا لفظ ہے تو کدہ کے ساتھ اس کا مرکب جائز ہے۔ یہ آسائش کدے  ہماری دماغی طبع اور جسمانی رویوں کی ایسی رہائش گاہیں ہوتی ہیں جہاں ہم خود بھی سکون سے زندگی بسر کرتے ہیں اور دوسروں کو بھی اس مداخلت سے باز رکھتے ہیں۔ ایسے نہیں کہ وہاں کوئی آ نہیں سکتا ۔ حالات و واقعات اور لوگ اکثر کوشش کرتے ہیں کہ اسے تہ و دوبالا کرتے رہیں۔ لیکن ہمارے بہت سے میکنزم ہوتے ہیں جس سے ہم ان حملوں کو ناکام بناتے رہتے ہیں۔

نہ کرنے کے سو بہانے

اکثر ہمارے کچھ بڑے بڑے خواب ہوتے ہیں ہیں۔ جیسے لوگوں میں شعور بڑھ جائے اور وہ انسانوں کی طرح رہنے لگیں۔ ۔ امن و سکون قائم ہو جائے۔ دنیا سے غربت۔ نسلی فسادات ۔احولیاتی آلودگی کا خاتمہ ہوجائے موسمیاتی تبدیلیوں عورتوں کے حقوق۔ باقی سب کے حقوق ۔۔ کو مناسب توجہ ملے وغیرہ۔

معذرت و معافی

ماضی کی ایک خصوصیت یہ بھی ہے کہ یہ ہماری غلطیوں کے لیے ہائی لائیٹر کا کام کرتا ہے۔ ہم جتنی بھی کوشش کرلیں۔ اپنی غلطی دل میں تو ہمیں ماننی ہی پڑتی ہے کیونکہ ہائی لائیٹ ہو چکی ہوتی ہے۔ لیکن ان غلطیوں کو ہم صرف آج کے نقطۂ نظر سے دیکھتے ہیں اور آج کے دیے ہوئے حالات میں خود کو قصوروار ٹہرا رہے ہوتے ہیں۔ ہم یہ بھول جاتے ہیں کہ جب ہم نے یہ عمل کیا تھا اس وقت ہمارے حالات کیا تھے ۔ کن مشکلات یا واقعات و ترجیحات کے تحت ہم یہ فیصلہ کرنے پر مجبور تھے

بارشیں

بچپن میں مجھے بارشیں بہت اچھی لگتی تھیں۔ مجھے بارش میں نہانا بہت پسند تھا۔ اس کی ایک وجہ تو میرا بچپنا تھا۔ دوسرا تب سارے اکھٹے تھے تو ایک طرح سے جنگل میں منگل بھی ہوجاتا تھا۔ پھر شائد موسم کا بھی کچھ اثر تھا۔ سخت گرمی میں اچانک اٹھنے والی مٹی بھری ہوا کی مہک، پھر ہواکا ایکدم تیز ہوجانا اور گھنے بادلوں کا دن میں اندھیرا کرنا۔ جلتے ہوئے دن کا ایک پر فضا میں بدل جانا اچھا لگتا تھا۔ بارش سے چیزیں دھل جاتیں اور پودے زیادہ سبز لگنے شروع ہوجاتے۔ ماحول صاف ہوجاتا اور مجھے بارش کے رحمت ہونے احساس اندر تک چھو لیتا۔ 

مجھے کچھ اور کہنا تھا

ایسا کئی مرتبہ ہوتا کہ ہم اپنے پروگرام کو کسی طرح ترتیب دیتے ہیں۔ ہمیں سب پتہ ہوتا ہے کہ ہم اس روز کیا کھائیں گے۔ اور کیا پہنیں گے اور کس سے ملیں گے اور کس سے کیا بات کریں گے۔ لیکن ہمارا دن کسی اور ڈھب سے چڑھتا ہے۔ ہماری ملاقاتیں ہمارے آرگنائزر کی تفصیل کے برعکس کچھ اور لوگوں سے ہو جاتی ہیں۔ ہم اپنی ترجیحات کی فہرست کے برعکس کچھ اور کام شروع کر دیتے ہیں۔ ہم اپنا پکا پکایا کھانا چھوڑ کر کوئی الگ شے کھانا شروع کردیتے ہیں۔ ہم اپنی سوچی سمجھی تحریر کی جگہ کچھ اور لکھنے لگتے ہیں۔ معلوم نہیں ہم کبھی کبھی اپنے سوچے سمجھے سیدھے صاف اور آسان سے پلان کی بجائے اپنی زندگی کو ایسے پیچیدہ کیوں کر لیتے ہیں۔

شک کا فائدہ

ذاتی طور پر شکوک و شبہات کی حوصلہ افزائی کرنے کو ورک آف آرٹ سمجھنا چاہتی ہوں۔ کیونکہ پھر میں کسی شرلاک ہومز کی طرح میں ایک عام سی بات کے نہ نظر آنے والے پہلوؤں کو سوچ کر اور اس میں بہت سی رنگ بازی ڈال کر اور واقعات کو مبالغے کی انتہا تک پہنچا کر میں ایک پوری فرضی کہانی ترتیب دے سکتی ہوں۔ ایک مصنف کے حساب سے یہ میرے فن کے اظہار کا نادر موقع بن سکتا ہے۔ ہے نا؟

کچھ کہیے

کچھ تو کہیے کہ لوگ کہتے ہیں آج غالب غزل سرا نہ ہوا

ویسے تو ایک لکھاری لان میں پھرنے والے خرگوشوں اور چپ منک کی طرح خاموشی سے اپنی خفیہ حرکتوں میں مشغول رہتے ہیں اور ان کی کارروائی کا اس وقت تک علم نہیں ہوتا جب تک وہ راتوں رات آپ کے پودوں کو اچھی طرح اجاڑ نہ دیں۔ نہیں میرا مطلب ہے جب تک ان کی کوئی تحریر کسی اچھی سی شکل میں ٓاپ کےسامنے نہ آجائے ۔لیکن میں لکھاری کی بات نہیں کررہی جس کو ہمیشہ کچھ نہ کچھ کہنا ہوتا ہے خواہ کوئی سنے یا نہ سنے۔ 

ایک چپ سو سکھ

سچ ادھورا ہے ابھی۔ ای بک

سچ اَدُھورا ہے ابھی میری نثری شاعری کا دوسرا مجموعہ تھا۔ اس سے پہلے اس کتاب کے دو تجرباتی ایڈیشن وجود میں آچکے ہیں۔ یہ تیسرا ایڈیشن میں نے ایپل بک کے سسٹم کو سمجھنے کے لیے تیار کیا ہے، شاعری وہی پرانی ہے۔

پرانے افسانے۔ ای بک

 

ایک لکھاری کے طور پر میرا تحریری عمل ہمیشہ ایک سفر کی مانند رہا ہے۔ ایک اجنبی مسافر کی پیادہ پا ریاضت جس میں گو کہ ہم تنہا ہوتے ہیں لیکن راستے کی ہر شے ہم سفر ہوتی ہے۔سب راہ رو۔ سب جاندار، سب نظارے ، احساس، آوازیں اور خیال ۔ یہ سفر آگاہی کے لمحات سے پر ہوتا ہے لیکن سب ہی کچھ گویا کہانی کا پس منظر ہے۔ پیش منظر میں خاموشی ہے۔

حقیقت

 ”انبساط کے تمام لمحوں کا تاثر حواس پر قریبا ایک ہی سا ہوتاہے۔خواہ ان محسوسات کے مخرج الگ الگ ہی ہوں۔ کیا تمہارے سامنے ایک ہی حقیقت چہرے بدل بدل کر آتی ہے۔ یا ہرحقیقت ایک الگ سچائی کی مظہر ہے؟  کیا ہر شے اندر سے ایک جیسی ہے اور باہر سے الگ الگ۔

بلاگ اپڈیٹ

 وہ محاورہ تو آپ نے سنا ہوگا۔ بیکار مباش والا۔ یعنی جب کرنے کو کچھ نہ ہو تو پرانےبلاگ کو دوبارہ سے اڈھیر کر سینا بھی ایک کام ہوتا ہے۔ بس اسی ادھیڑ بن میں بلاگ کچھ دن سے اپڈیٹ ہو رہا تھا۔ لیکن بات وہی ہےانسان کسی حال میں بھی خوش نہیں ہوتا۔ اور اسے ہمیشہ وہ سیٹنگ زیادہ اچھی لگتی ہے جو اس نے بلاگ پر اپلائی نہیں کی ہوتی اور اس ہی وجہ سے آج تک میں نے اس کو سادہ اور بے رنگ رکھا ہوا تھا۔ بہرحال مجھے اپنے توسط سے اس انسانی کمزوری کا بخوبی اندازہ ہے کہ کسی بھی تھیم پر میرا دو مختلف اوقات میں باہم متفق ہونا ناقابل عمل ہے۔ اس لیے اس میں نے اس تکلیف دہ عمل سے بالآخر خود کو آزاد کر ہی لیا۔ یعنی موجودہ شکل کو حتمی اپڈیٹ قرار دے کر  اس قصے کو ختم کرنے کی کوشش کی ہے۔ امید ہے یہ ختم ہی رہے گا۔ میرا اس کو مزید اپڈیٹ کرنے کا تو ارادہ نہیں ہے لیکن موجودہ شکل کے بارے میں آپ کی کیا رائے ہے۔ اور اس پراسس میں کوئی بروکن لنک نظر سے گزرے تو ضرور آگاہ کریں۔ 

کام جاري ہے

امکان کی بارگاہ میں 

بے ترتیب ہنگام کا بے توازن رقص

خود شناسائی کی بے کار لے پر ڈولتے

بے مقصد موھوم امیدوں کے پیر

۔عدم کے صحن میں

مستحکم تضادات اور دکھ دیتی ادھورگی 

تکمیل کی داستان بننے کا

فطرت کاایک اپنا ہی طور ہے۔

       

 نظم کے لیے کتاب دیکھیں 

دریچوں میں جگنو

رافعہ خان

پرانے افسانے

پرانے افسانے ۔ ان چند کہانیوں پرمشتمل ہے جو میں نے کئی سال پہلے اپنے زیادہ تجرباتی تحریری منصوبوں کی ناکامیابیوں کے درمیانی وقفوں کی خاموش مشقوں کے دوران لکھے تھے۔ آن لائن یہ پہلے سے مختلف ویب سائٹ اور ویب میگزین میں شائع ہو چکےہیں ۔ پھر میرے اپنے بلاگ پر یہ وقت کےساتھ دوسری پرانی، وقتی و واقعاتی غیر سنجیدہ تحاریر کے درمیان گم ہو کر ذہن سے محو گئے ۔

ایک ناکام بحالی

ایک ناکام بحالی

 an unsuccessful resuscitation

 میری شام، مری سحر۔۔

وقت میرے، کہیں اور بہا لے جامجھے

تحریک کی اجنبی لہریں

دل کچھ اور ڈبو رہی ہیں میرا

جل چکی نبضوں کے برقی احیا کی بے سود کوششیں    

اپنے قدموں پر جھکتے، لڑتے خود سے

یہ شائد آخری لڑائی ہے میری

مکمل نظم کے لیے کتاب دیکھیں 

دریچوں میں جگنو

رافعہ خان

ماں کی وراثت

کیا ہم اس کی رجائیت اور مسکراہٹ

اورمحبت اور مروّت

اور صبر اورسخاوت کو

وراثت میں برابر بانٹ سکتے ہیں ؟

  

نظم کے لیے کتاب دیکھیں 

دریچوں میں جگنو

رافعہ خان

Far, Far Away

In a Galaxy Far, Far Away

 دور کی ایک کہکشاں پر۔۔

کئی نوری سال بعد

ہم پہلے مل چکے ہیں۔

تم اب بھی ستارے بیچتے ہو؟

مکمل نظم کے لیے کتاب دیکھیں 

دریچوں میں جگنو

رافعہ خان

سچ ادھورا ہے ابھی۔ دوسرا ای بک ایڈیشن

 

سچ ادھورا ہے ابھی  میرا نثری نظم کا دوسرا مجموعہ ہے۔ دوسرا قدم۔ جستجوئے آرزو میں کبھی تو ایک ہی جست میں قصہ تمام ہو جاتا ہے لیکن کبھی انتظار کی، پہچان کی، کوششِ پیہم میں صدیاں بیت جاتی ہیں۔ دوسرا قدم رکھنے کی جگہ ہی نہیں ملتی۔ خیالوں کا قریہ قریہ جھانک لیا جاتا ہے، جذبوں کے سمندر کے سمندر پار ہو جاتے ہیں، لفظوں کا پیمانہ لبریز ہو جاتا ہے، پھر وقت کی گنجائشہی ختم ہو جاتی ہے، دوسرا قدم رکھنے کی جگہ ہی نہیں ملتی۔ ناتمام افسانہ کوئی موڑ دے کر تہ کردیا جاتا ہے۔ میرے ساتھ لیکن نہ پہلا معاملہ ہے نہ دوسرا۔ بلکہ ایک ایسی صورت ہے جہاں ہر اٹھتا قدم ارتقاء کی اک کڑی بن جاتا ہے۔ درجہ بدرجہ مقصود حقیقی کی طرف لے جاتا ہے۔

کتاب کے نئے ای ۔ بک ایڈیشن کا ربط یہاں چیک کریں