درد منت کشِ دوا نہ ہوا
میں نہ اچھا ہوا بُرا نہ ہوا
جمع کرتے ہو کیوں رقیبوں کو
اک تماشا ہوا گِلانہ ہوا
ہم کہاں قسمت آزمانے جائیں
تو ہی جب خنجر آزما نہ ہوا
کتنے شیریں ہیں تیرے لب کہ رقیب
گالیاں کھا کے بے مزا نہ ہوا
ہے خبر گرم ان کے آنے کی
آج ہی گھر میں بوریا نہ ہوا
جاں دی‘دی ہوئی اُس کی تھی
حق تو یوں ہے‘کہ حق ادا نہ ہوا
زخم گردب گیا لہو نہ تھما
کام گر رُک گیا روانہ ہوا
رہزنی ہے کہ دلستانی ہے
لے کے دل دلستاں رو نہ ہوا
کچھ تو پڑ ھئے کہ لوگ کہتے ہیں
آج غالبؔ غزل سرا نہ ہوا
کوئی تبصرے نہیں:
ایک تبصرہ شائع کریں