Far, Far Away

In a Galaxy Far, Far Away

 دور کی ایک کہکشاں پر۔۔

کئی نوری سال بعد

ہم پہلے مل چکے ہیں۔

تم اب بھی ستارے بیچتے ہو؟

مکمل نظم کے لیے کتاب دیکھیں 

دریچوں میں جگنو

رافعہ خان

سچ ادھورا ہے ابھی۔ دوسرا ای بک ایڈیشن

 

سچ ادھورا ہے ابھی  میرا نثری نظم کا دوسرا مجموعہ ہے۔ دوسرا قدم۔ جستجوئے آرزو میں کبھی تو ایک ہی جست میں قصہ تمام ہو جاتا ہے لیکن کبھی انتظار کی، پہچان کی، کوششِ پیہم میں صدیاں بیت جاتی ہیں۔ دوسرا قدم رکھنے کی جگہ ہی نہیں ملتی۔ خیالوں کا قریہ قریہ جھانک لیا جاتا ہے، جذبوں کے سمندر کے سمندر پار ہو جاتے ہیں، لفظوں کا پیمانہ لبریز ہو جاتا ہے، پھر وقت کی گنجائشہی ختم ہو جاتی ہے، دوسرا قدم رکھنے کی جگہ ہی نہیں ملتی۔ ناتمام افسانہ کوئی موڑ دے کر تہ کردیا جاتا ہے۔ میرے ساتھ لیکن نہ پہلا معاملہ ہے نہ دوسرا۔ بلکہ ایک ایسی صورت ہے جہاں ہر اٹھتا قدم ارتقاء کی اک کڑی بن جاتا ہے۔ درجہ بدرجہ مقصود حقیقی کی طرف لے جاتا ہے۔

کتاب کے نئے ای ۔ بک ایڈیشن کا ربط یہاں چیک کریں

غالب اور اقبال

ایک مفكر درحقیقت فلسفہ اور زبان دونوں کے ذریعے خیال کی تشکیل میں اپنا کردار ادا کرتا ہےزبان ہمارے لیے ان ایوانوں کی کنجیاں مہیا کرتی ہے جو ابھی ہم پر آشکار نہیں ہوئے۔ اور فلسفی خیال کے ان مقامات پر رکنے کے لیے مکان تعمیر کرتے ہیں جہاں ابھی آباد کارہی نہیں ہوئی۔

جون ایلیا ۔۔ حالت حال کے سبب

 

حالت حال کے سبب حالت حال ہی گئی

شوق میں کچھ نہیں گیا شوق کی زندگی گئی

تیرے وصال کے لیے اپنے کمال کے لیے

حالت دل کہ تھی خراب اور خراب کی گئی

اس کی امید ناز کا ہم سے یہ مان تھا کہ آپ

عمر گزار دیجیے عمر گزار دی گئی

ایک ہی حادثہ تو ہے اور وہ یہ کہ آج تک

بات نہیں کہی گئی بات نہیں سنی گئی

بعد بھی تیرے جان جاں دل میں رہا عجب سماں

یاد رہی تری یہاں پھر تری یاد بھی گئی

اس کے بدن کو دی نمود ہم نے سخن میں اور پھر

اس کے بدن کے واسطے ایک قبا بھی سی گئی

کہنی ہے مجھ کو ایک بات آپ سے یعنی آپ سے

آپ کے شہر وصل میں لذت ہجر بھی گئی

صحن خیال یار میں کی نہ بسر شب فراق

جب سے وہ چاندنا گیا جب سے وہ چاندنی گئی

 

 

لفظ ۔ ۔ ۔ ۔ موسیقی۔۔ لفظ

چڑھتا سورج ہے اپنا پاکستان

راحت فتح علی خان

منزل کی تقدیروں جیسے

خوابوں کی تصویروں جیسے

ہیں چاہت کی تحریروں جیسے

یہ پاکستانی بھی دل ہیں ایسے

دھڑکن دھڑکن گونچ رہی ہے اپنے وطن کے نام

چڑھتا سورج ہے اپنا پاکستان

دنیا دیکھ رہی ہے پاکستان کی شان

چڑھتا سورج ہے اپنا پاکستان

دنیا دیکھ رہی ہے پاکستان کی شان

 رکھ لے آنکھوں میں اپنے خواب جوان

چڑھتا سورج ہے اپنا پاکستان

دنیا دیکھ رہی ہے پاکستان کی شان